Osnovno državno tužilaštvo u Plavu podnijelo je optužni predlog protiv osumnjičenog R.D. iz Plava, zbog osnovane sumnje da je izvršio krivično djelo zloupotreba položaja u privrednom poslovanju.

Osumničeni se tereti da je neutvrđenih dana tokom 2014. i 2015. godine u Plavu   kao odgovorno lice – glavni blagajnik  oštećene CKB, zloupotrijebio svoj položaj  i povjerenje u pogledu raspolaganja tuđom imovinom, u namjeri da sebi  pribavi  protivpravnu  imovinsku korist, prisvojio novac u iznosu od 10.059,80 €, na štetu oštećene, na način što je na partiju štednje deponenta R.V. vršio uplate od kojih je neku uplatu i dio uplata zadržao za sebe, a u štednoj knjižici je upisao stvarne iznose koje je deponent uplatio, te je dana 26.09.2023.godine u štednoj knjižici deponenta upisao saldo 10.059,80 € i ovjerio svojim potpisom i pečatom banke.